琴日就趁最後捉住新年的尾巴貓仔🐈同樹懶仔🦥去行個大運🧧，由於睇左今年運程，樹懶仔開運吉位係由東邊行到西邊，所以就揀左呢條路線🛣，樹懶仔錫哂貓仔啊💏。順便一年一度去大澳探下啲貓仔親戚同食下小食。
東澳古道全長13.5公里，我地11點🕚左右由東涌站起行，先到逸東邨，經過候王廟個邊入去。其實同去昂坪個方向一樣，差別就在於一個路口，一個係轉上樓梯既昂坪360的救援道；一個係直行繼續東澳古道既石屎路。全程用左大約4個小時，呢條路線難度較低，好多時都有樹蔭遮頭，仲有唔少一家大細一齊行。睇黎大家行個大運之餘都要降低下係新年食野既罪惡感。
係路途上，有不少既補給站，我地停低左食左少少少少甜品補充下體力再行過，順便打下卡，因為望出去個景係幾靚嫁🎑。
我地行到去大澳已經feel到入邊好多人，貓仔逼不及待到處搵番佢啲親戚，可惜啲親戚都係大忙人，好多都有人同佢地影相，尤其係個郵箱上面個隻，懷疑係小霸王黎🦁，連續兩年都見到佢霸左個靚位，隔離個隻就訓正係郵局門口📮，都幾識嘆。
行到攰攰地就去買番支紫貝天葵同買啲茶果啊，雞屎藤黎充下飢🍴。紫貝天葵好似係野外指定飲品，貓仔好中意飲，酸酸甜甜，解渴又開胃。
呢間茶果以前我地坐係入邊食，而家疫情關係，買左最好係外面食啦，首選眉豆餡🤪。
舊雞屎藤好曳，粒花生自己跳走左，所以少左一粒……🥲
行完大運成個人精神爽利✊，我地提早左少少離場。提提大家，假日節日去離島遊玩既人比較多，口罩😷記得要帶好。如果要坐低食野記得早啲去排隊等位，6點鐘🕕就無得食。否則就要撇啦🚶♂️，走既話就搭由大澳往東涌既11號巴士🚌，遲左就好多人等嫁啦🤣。(我地走既個條隊排到見唔到龍尾)
