成日Google有咩冰室正都會彈左十字冰室出黎，但就一直都未試到。終於的起心肝去試下佢。
十字牛奶就成日飲，但係好少聽到用佢黎整野食。
十字牌係香港好出名既牛奶品牌，由聖母神樂院擁有，宗旨「為市民提供優質及營養豐富既牛奶」。香港已經無牧場去生產同維持奶源，絕大部分既品牌奶源都已經轉哂去內地，但牛奶消毒同包裝位置就係香港元朗既大生圍。
餐廳外觀乾淨企理，懷舊既檯凳同埋地磚都好有八十年代氣息，最緊要係塊鏡，根本係打卡靚位，哈哈🤣🤣🤣
十字牛奶豬骨湯仿鮑魚火腿絲通粉💰40
湯底好濃豬骨味，仲帶有牛奶香，仿鮑魚同火腿絲一直都係冰室既鐵膽，配搭住通心粉每一啖都係湯，不知不覺成碗食哂，連埋啲湯😚
十字牛奶豬骨湯沙嗲牛肉米粉💰42
之前都係沙嗲牛麵、沙嗲牛麵咁，好少會叫沙嗲牛肉米，既然佢個餐牌寫到明沙嗲牛肉米，應該都係有信心既。原來佢個牛奶豬骨湯同米粉都ok夾，沙嗲牛肉都整得唔錯，可以再食多次。
炒滑蛋、牛油方包雖然個份量比較細，但炒蛋尚算嫩滑，牛油方包就普普通通啦～～～
十字牌純鮮奶💰+6
以為係一支支玻璃樽個隻，點知係紙包，略有失望☹️
熱奶茶濃又香滑，不過少澀，但個杯幾靚仔。
總括黎講，不過不失，同埋完左食呢間冰室的小目標，希望快d唔洗帶口罩😟😟可以到處去食其他好西。如果睇緊既你都有正既冰室介紹(最好係沙嗲牛肉麵同埋熱奶茶)，不妨留個言！！！因為樹懶仔好中意，次次去親都會叫🤪
📍旺角亞皆老街102號The Argyle地下G01號舖
