【葵芳】藏紅天薰蒸及按摩體驗古法藥包蒸身做完成身鬆哂

前排天氣又濕又熱，搞到個人攰攰地，想搵地方放鬆下。於是上Klook睇下有咩地方好去，就睇到有間藏紅天蒸身+頭肩頸按摩體驗。樹懶仔同貓仔兩個都無試過呢類型，所以就卜左呢次既按摩旅程啦。

我地揀左係新都會廣場既分店，貪呢到樓下附近就有野食同行街街，無縫接駁冷氣，咁就唔洗熱到出水啦。

因為我地係新客戶，所以入去既時候就同我地做左個簡單既講解，填寫簡單既個人資料，揀埋蒸身既中藥包就ok!

佢安排左間房仔比我地，入邊有兩個蒸櫃, 換上佢提供既紙內褲、紙bra。職員設定好哂所有野後就可以坐入去，佢仲細心提醒第一次唔洗較咁熱同埋要踩上蒸腳器先有效，頭幾分鐘仲以為無咩feel唔太熱，大約10分鐘左右，個人開始出汗，feel到真蒸爐既感覺。如果太熱，可以伸隻手出黎按個鐘仔叫職員幫你調較溫度，樹懶仔話無咩feel，較大左2度，到蒸完既時候，成個人都紅哂，紅雞蛋咁，笑。蒸身時程大約係30分鐘，如果覺得夠皮就可以提早按鐘仔叫姐姐入黎幫你開番個蒸櫃，切記唔好自己一個開，因為真係好重。蒸完之後要注意保暖同擦乾身上既汗水，千其唔好攝親。