心血來潮想飲個早茶，食幾件點心。就黎左係女人街呢間《喜惶點心專門店》。
店舖下層位置唔算太大，但坐落尚算寬敞舒服。可能時間早嘅關係，枱櫈都比較乾淨。美中不足嘅係如果要搭枱，隨行物品就可能要放係地下，如果有個籃放絕對係件好事。
睇菜單就見到招牌點心，以牛肉為主，陳皮山竹牛肉球，乾蒸牛肉燒賣。樹懶仔🦥每次去茶樓都會叫山竹牛肉球😆
陳皮山竹牛肉球★★★★★
💰25
淋上食牛肉球必備嘅喼汁。咬落去好彈牙，好有陳皮清香同濃郁牛肉香。食得出係用新鮮牛肉做，有時係其他地方食嘅比較鬆散而且無肉味，喜惶嘅牛肉球的確係有d水準。
乾蒸牛肉燒賣★★★★
💰29
賣相標緻，食落去口感同牛肉球相近，都係富有彈性。可能樹懶仔🦥口味問題，唔中意食比較乾嘅野，始終要有d汁先岩，但不失為一個美味嘅點心。
叉燒腸粉★★
💰25
呢種切半嘅腸粉，上菜果陣已經唔夠熱，同其他一般酒樓食嘅腸粉一樣，皮厚而且比較漿口，唔夠滑溜。
樹懶仔🦥好中意食腸粉，但好少機會食到好味嘅蒸腸粉，如果各位有好介紹，記得話比我樹懶仔🦥知😛😛
蝦餃★★★
💰32
放涼左再夾起皮就唔會夾爛。
半透明又爽口彈牙，咬落去蝦唔會一咬就散，大大隻蝦🍤加埋入面嘅肉汁，無得頂👍🏻
茶芥💰4 / 一位
📍 旺角通菜街17號地下
☎️ 28821683
⏰ 10:00-23:00
